PUISI BAHASA INDRAMAYU_CIREBON
Ketelair Indonesia_ Salam literasi sedulur Dermayu_Cerbon, Kali ini admin akan mengemukakan beberapa puisi berbahasa Indramayu atau pun Cirebon semoga ini menjadi jawaban atas tugas_tugas sekolah juga sebagai pemantik semangat berbahasa daerah, Dan, sesungguhnya betapa indah bahasa Indramayu. Selamat menyimak !
 |
| sidum |
Puisi Bahasa Cirebon
SIDUM
Mau, semana langit peteng lan mlipir mega_megane
Kesrodot jroning ati reang ndeleng lingsir wayah sidum
Gonta_ganti usum nglekeb sumeb lan anyeb
Sidum, adem nanging rasane sejen
Dewekan, pepeteng ketahan sepi
Njentul, njenguk kanda karo wiwitan
Reang godong setengah alum
Nglungsumi bari madal angen_angen kang wis lawas
Godong Joar pada murag ning lemah anyeb
Sidum gawa bayangane lara beli mari_mari
Apa mantak banyu mata dadi lantaran
Udan beli sida mudun, Sidum
Wis jam lima sore lamunan godong Joar lan lemah anyeb
Besuk ana tokolan cukul ning wayah sidum lan udan ketahan sepi
Pada rembisakan wiwitan, godong, lung, lan kembang alum
Udan, sidum, wiridan sore lung lan sing alum pada akehe
(Indramayu, 20 Pebruari 2022)
Puisi Bahasa Cirebon
PAMULANGAN
Jare simbah reang kudu sekolah
Kambiran dadi bocah genah mrenah ora ngglatrah
Jare rama ibu reang kudu rikat mangkat
Kambisan dadi wong pangkat urip ora kesrakat mlarat
Jare bapak ibu guru reang kudu sinau
Tambah ilmu
Kambisan kelakon kabeh kang tinuju
Nanging
coba delengen keanaan nyatane
apa masih bisa pamulangan kang ana dadekaken urip tumata
pamulangan kang tanpa tuladha
pamulangan kang kasatan piwulang
pamulangan kang ngajaraken angka-angka jurig
siji lan siji ana pira?
Jare anut kang duwe kersa
senajan ora weruh subasita, trapsila, apa maning tata krama
lali dosa…
kabeh lurung binarung kumalungkung
pamrih pamuji siji
Pamulangan ora aweh pepadang
Simbah,
Nyuwun pangapunten
Kula mboten kepingin dados dokter
Jalaran duite bapak mboten wonten sakoper
Rama,
Nyadong duka
Kulo mboten kapincut drajat pangkat
Jalaran ajrih sumpahing rakyat
Kang panggah mlarat sekarat
Bapak ibu guru,
Nyuwun donga pangestu
Mugi-mugi sedaya ilmu saged dados sangu
Post a Comment for "PUISI BAHASA INDRAMAYU_CIREBON"